1. الفيل--النت بتتكلم عربى قال:
   يونيو 26th, 2009 at 26 يونيو 2009 8:51 م

   يعنى نفهم من الكاتب كارينجى والمفكر معتز ان الواحد لو عاوز يعمل كوباية شاى يعمل كوباية شاى ويشترى 3 كيلو سكر ويبتسم وناخ قليلا من الحليب المسكوب ونحطه ع الشاى ولانبكى لنوفر العضلات
   طيب ودى محتاجة كارينجى وبرينجى وسن نملة الدبانة
   نهارك شاى بحليب

2. الفيل--النت بتتكلم عربى قال:
   يونيو 26th, 2009 at 26 يونيو 2009 8:58 م

   يعنى المقصود ان الواحد يعمل كوباية شاى بخمس معالق سكر وشوية حليب مسكوب فيصلح مزاجة وملعون ابو الدنيا
   بس ليه المدرس دخل قاعة المحاضرات ومعاه حليب
   وهل كان متعمد يوقعه لينسكب عشان يعلمهم ام كان مش قاصده
   اصل لو كان يقصد يبقى راجل مجنون
   لان المجاز والمثل بتاع لانبكى على الحليب المسكوب- لايحتاج كل مفكر لكى يشرح حكمة معروفةان يحضر الحليب فعلا ويدلقه على الارض عشان العيال الاغبياء يفهموا
   يعنى لو هيشرح مثل وحكمة زىضربوا الاعور على عينة- ماظنش انه كارينجى محتاج يجيب واحد يفقع له عينة وبعدين يضربه عليها فيقول له ولا وجعتنى مهى بايظة بايظة

3. الفيل--النت بتتكلم عربى قال:
   يونيو 26th, 2009 at 26 يونيو 2009 9:05 م

   فاا كان مايقصدش يدلق اللبن على الارض وده حصل صدفه-لما اشاح بيده-
   يبقى هنا كارينجى- بتاع معهد كارينجى للسلام- مضطر يشرح لنا هو دخل قاعة المحاضرات ليه ومعاه سطل اللبن
   وكمان ليه وعاء زجاجى مش السطل الالومنيوم بتاع البن عند البياعين
   وهل زوجته مثلا طلبت منهان يشترى لبن وهو مروح
   ووقعة امه سودا مهما عمل فيلسوف مراته هتطلع عينه
   لان الكلام الخايب اللى قاله للتلاميذ والفلسفة الخايبة دى ماتمشيش مع المدام
   لازم يكون فيه سبب معقول
   يعنى يفسر ليه اشاح بيده
   وخد عندك من المدام- م المنقى خيار
   انت طول عمرك كده ياكارنيجى اخرق ومستهتر واهوج
   وايه اللى خلاك تدخل المحاضرة معاك اللبن
   يعنى انا دلوقتى هاعمل ماسك البشرة بتاعى باية بعد ماسكبت اللبن يافيلسوف لغبرا
   وكلامك ده تروح تضحك بيه ع اللى مخهم تعبان زيك

4. الفيل--النت بتتكلم عربى قال:
   يونيو 26th, 2009 at 26 يونيو 2009 9:07 م

   اما اذا كان مايقصدش يشيح بيده
   واتورط ف الحكاية دى-
   وعايز يعمل فيلسوف ب 2 كيلو لبن
   فده شغل مدونيين وانصاف مثقفين
   مكنتش احب انك تتورط فيه ياكارنيجى

5. الفيل--النت بتتكلم عربى قال:
   يونيو 26th, 2009 at 26 يونيو 2009 9:10 م

   فسقط الوعاء الزجاجي على الأرض وأنكسر وأمتلأت أرض القاعة بالحليب المسكوب

   هنا توقف المدرس عن الشرح

   إلتفت لتلاميذه بأبتسامة جميلة
   ———————
   ده انت ماعندكش دم البعيد
   ايه الزروطة دى
   وشوف انت ارض القاعة- 20 فى 30 متر لما امتلاءت بالحليب
   وجابوا قوالب طوب يحطوها وشمروا البنطلونات عشان يعدوا من فوق قوالب الطوب
   والاخ مبتسم وبيتفلسف
   الموكيت باظ ياحيوان

6. الفيل--النت بتتكلم عربى قال:
   يونيو 26th, 2009 at 26 يونيو 2009 9:13 م

   وسألهم وهو يحاورهم

   لو حزنت لو بكيت لو صرخت هل يرجع الحليب داخل الوعاء

   كانت إجابتهم لا

   فقال لهم لا تبكي على اللبن المسكوب

   ———
   فقال لهم يبقى نتستنج من كده ايه
   هه
   انا عايزكم انتوا اللى تستنتجوا
   انا مش هافرض عليكم الاجابة
   نستنتج ايه
   الله
   انتوا اللى شهدتوا على نفسكم
   نستنتج من الزروطة دى اننا ننضف ارض القاعةو لا تبكي على اللبن المسكوب لغاية مانروح البيت والمدام هتخليك تبكى يافيلسوف منك له

7. الفيل--النت بتتكلم عربى قال:
   يونيو 26th, 2009 at 26 يونيو 2009 9:16 م

   طيب مادام ربنا فاتحها عليك
   وعندك ابريق لبن وشاى وسكر -الدنيا ومافيها
   لزمتها ايه الغلبة دى
   بالتليفون
   تتصل بالمقدم طارق وتعمل كوبايتين شاى عدالة مع كام ورقة نعناع اخضر
   ونهارك عسل ياكارينجى

8. عرباوي قال:
   يونيو 26th, 2009 at 26 يونيو 2009 10:50 م

   فيل شرفت المدونة

   يا أخي أنت كدة بتجاملني كتير

   عبقرية وأبداع لتدوين الخرائي تجدها عندنا

   مش حتقدر تشم منيح

   مش حتقدر تفتح عنيك

   قولي

   شوفت الأدراج ده

   http://zhektmenkom.maktoobblog.com/1613616/سبحان-الله-صوت-رهيييييييب/

   عجبني جدا جدا

   أتمنى يعجبك

   شكرا للسبعة تعليقات

   وتابع باقي مقالات نحو أتجاه ذهني سليم

   يمكن تعجبك

   عرباوي

9. الفيل--النت بتتكلم عربى قال:
   يونيو 27th, 2009 at 27 يونيو 2009 8:47 ص

   ليه ياعرباوى بتقلل من قيمة ابداعك
   دا بجد القطعة دة تتحط ف كتاب القراءة للصف الرابع الابتدائى
   بس بشوية تعديلات بسيطة
   بتصرف
   شوف كده
   انا اقترح الصيغة دى عشان تبقىمناسبة لطريقة الكتب بتاعتنا وثقافتنا
   لان الكتب المدرسية -والتليفزيون-هى اللى ادت للماساة اللى شايفينها متجسدة فى عقلك انت وناس كتير
   وطبعا الماساة تعيد انتاج نفسها
   يعنى دى ممكن تتعمل مسلسل زى بتاع نظيرة- 30 حلقة
   شوف كده وتذوق
   انت الحكم لان اللى يناسب عقلك هو اللى يتحط ف الكتب
   ————–
   روع بن الشمعمع عن ابيه عن جده عن خالته قال

   دخل الحكيم الاصمعى ابن الاشجع -يوما-الى خيمة المحاضرات وهو يحمل وعاءا زجاجيا ممتلئ بالحليب وكان بين التلامي اعرابى وغبى وكان ثالثهما ابن السلطان القذافى

   وضع الوعاء على المكتب أمامه وبدأ يشرح لتلاميذه درس اليوم

   وفجأة أشاح بيده فسقط الوعاء الزجاجي على الأرض وأنكسر وأمتلأت أرض القاعة بالحليب المسكوب

   هنا توقف المدرس عن الشرح

   إلتفت لتلاميذه بأبتسامة جميلة

   وسألهم وهو يحاورهم

   لو حزنت لو بكيت لو صرخت هل يرجع الحليب داخل الوعاء

   كانت إجابتهم -قال الغبى نلطم
   وقال ابن السلطان دا ابويا هيطلع عينيك يااصمعى

   فقال لهم الاعرابى لا تبكي على اللبن المسكوب-فصارت مثلا من امثال العرب
   ثم اعتدل الاعرابى فى جلسته والتفت اليهم وقال

   حياتنا من صنع أفكارنا

   تجد إنسان يسعد نفسه وأهله بفكره وأتجاهه الذهني السليم

   يعني لو نفسك في كوب شاي ولقيت السكر خلص، متزعلش وتشتكي وتتضايق

   روح هات سكر وتعالى أستمتع بالشاي

   مجهود المضايقة مجهود قاسي على جميع أعضاء الجسم

   عندما تبتسم تحرك عضلات قليلة في وجهك

   عندما تكشر تحرك أغلب عضلات وجهك

   لا تجعل أتجاهك الذهني يدمره العجز والحزن ولاتفعل شيئ ولا تحل مشكلتك

   عموما تذكرو هذه الكلمات

10. الفيل--النت بتتكلم عربى قال:
    يونيو 27th, 2009 at 27 يونيو 2009 8:55 ص

    لاحظ ان الاعرابى- بيطلع هو اللى حكيم اكتر من الحكيم الاصمعى بن الاشجع
    والشخصيات كلها مسخرة تسخيرا لتظهر قد ايه كان الاعرابى ده عبقرى فهى لاتفعل شيئا غير لك
    وحتى ابن السلطان القافى جلس بيتعلم- مش بذمتك هى دى الديمقراطية

11. الفيل--النت بتتكلم عربى قال:
    يونيو 27th, 2009 at 27 يونيو 2009 9:17 ص

    ونحذف بقى كارنيجى
    ونقول انها مستوحاة من الشحات بن عمرو بن الشحتفه
    ماحاجتنا الى الغزو الثقافى الغربى
    ——–
    وكمان ممكن نقول
    لاتبكى على اللبن المسكوب
    فربما كان فيه سم وانسكب واخد الشر وراح
    ودلق الحليب خير عموما
    ثم تجمع حولة النمل والاب وكل حشرة شربت منه ماتت لساعتها
    يبقى هنا الحكمة اوقع واوضح
    عشان فيه ناس ماتفهمش غير كده
    وممكن نعقلنها ان كان فيه مؤامرة على ابن السلطان لاغتياله بالسم
    لكن الحكيم والاعرابى انقذا حياته
    فاعطى السلطان لكل منهما هدية
    اعطاه ابعادية عبارة عن محافظة من محافظات البلد ملكا له بالارض والناس اللى عليها عبيدا له

12. الفيل--النت بتتكلم عربى قال:
    يونيو 27th, 2009 at 27 يونيو 2009 9:40 ص

    عارف بقى
    لو ضفرنا فيها كمان حكاية شهيد الاسلام مايكل جاكسون
    كده القصة هتملا المنتديات والمدونات

13. الفيل--النت بتتكلم عربى قال:
    يونيو 27th, 2009 at 27 يونيو 2009 9:56 ص

    طيب شوف الصياغة دى
    ————–

    روى بن الشمعمع عن ابيه عن جده عن خالته ام جلاجل- قال

    دخل الحكيم الاصمعى ابن الاشجع -يوما-الى خيمة المحاضرات وهو يحمل وعاءا زجاجيا ممتلئ بالحليب وكان بين التلاميذ اعرابى وغبى وكان ثالثهما ابن السلطان القذافى

    وضع الوعاء على المكتب أمامه وبدأ يشرح لتلاميذه درس اليوم عن اى حاجة مش مهم المهم

    وفجأة أشاح بيده فسقط الوعاء الزجاجي على الأرض وأنكسر وأمتلأت أرض القاعة بالحليب المسكوب

    هنا توقف الحكيم عن الشرح

    إلتفت لتلاميذه بأبتسامة جميلة

    وسألهم وهو يحاورهم

    لو حزنت لو بكيت لو صرخت هل يرجع الحليب داخل الوعاء؟ ها

    كانت إجابتهم -قال الغبى نبكى ونلطم كمان
    وقال ابن السلطان دا ابويا هيطلع عينيك يااصمعى

    فقال لهم الاعرابى لا تبكي على اللبن المسكوب-فصارت مثلا من امثال العرب
    ثم اعتدل الاعرابى فى جلسته والتفت اليهم وقال

    حياتنا من صنع أفكارنا

    تجد إنسان يسعد نفسه وأهله بفكره وأتجاهه الذهني السليم

    فقال الحكيم الاصمعى
    انت الوحيد اللى بتفهم ياواد يااعرابى-فلذلك حكمة
    عموما تذكرو هذه الكلمات
    ومرت الايام والاصمعى فى سجن اللجان الثورية صابرا محتسبا عذبوه فلم ينبس ببنت شفه الا -فلذلك حكمة
    وبعدها شاء القدر ان تاتى نتيجة التحاليل للبن المسكوب من مختبرات لندن-ان اللبن كان مسموما بنفس السم الذى دسوه لشهيد الاسلام مايكل جاكسون وقد كانوا يعرفون انه لاينام الا لما يشرب كوبايه لبن تهدى اعصابه لازم

    والدنيا اتقلبت يامعلم والمظاهرات من وادى سوات الى امبابة
    دى مؤامرة من العدو الغشيم
    قوم ايه
    طلعوا الحكيم الاصمعى من السجن وجابوا الاعرابى من الخرابة اللى قاعد فيها
    فقال الاصمع والاعرابى بصوت واحد والجماهير تردد وراءهما
    ——–
    لاتبكى على اللبن المسكوب
    فربما كان فيه سم وانسكب واخد الشر وراح
    ودلق الحليب خير عموما
    ثم جعلا بعضا من هذا الحليب على الارض تانى ف تجمع حولة النمل والذباب وكل حشرة شربت منه ماتت لساعتها
    يبقى هنا الحكمة اوقع واوضح ولا احنا محتاجين لمختبرات لندن ولا حاجة
    و
    عشان فيه ناس ماتفهمش غير كده
    اتارى ان كان فيه مؤامرة على ابن السلطان لاغتياله بالسم اللى فى الحليب
    لكن الحكيم والاعرابى انقذا حياته
    فاعطى السلطان لكل منهما هدية
    اعطاه ابعادية عبارة عن محافظة من محافظات البلد ملكا له بالارض والناس اللى عليها عبيدا له

    والناس بقت مبسوطة
    وخلفوا صبيان وبنات

14. عرباوي قال:
    يونيو 27th, 2009 at 27 يونيو 2009 11:17 ص

    رااااااااااائع يافيل

    والله هما 3 كتب

    يؤثرو في شخصية أطفالنا

    وتناسب الصف الرابع

    دع القلق وأبدأ الحياه

    كيف تصنع الأصدقاء وتؤثر في الناس

    فن الخطابة

    وأعتقد أنهم سيكونو مفيدين للأباء أيضا

    ====================================

    الفيل

    والله رائع

    بس سؤال جدي

    بذمتك الأتجاه الذهني مؤثر ولا أيه ؟

    يعني أنت النهاردة أتجاهاتك عنب

    صباحك قشدة

    عرباوي

15. عرباوي قال:
    يونيو 27th, 2009 at 27 يونيو 2009 11:20 ص

    اخبار الأنتفاضة أيه ؟؟؟؟؟؟؟؟؟

    حبيبي

    أنت نكاش

    أنا وأم يوسف ويوسف وأحمد ونور حضرنا المقشات

    وننتظر الأشارة

    حول

    ههههههه

    عرباوي

16. الفيل--النت بتتكلم عربى قال:
    يونيو 27th, 2009 at 27 يونيو 2009 11:37 ص

    أنا وأم يوسف ويوسف وأحمد ونور حضرنا المقشات
    ———-
    روى بن الشمعمع عن ابيه عن جده عن خالته ام جلاجل-

    نفس الميزان

17. الفيل--النت بتتكلم عربى قال:
    يونيو 27th, 2009 at 27 يونيو 2009 12:20 م

    بس عايز اضيف سطر واحد للقصه
    تمثل الاتجاه الذهنى لاخوك ابو الفرقد
    هو كمان عنده اتجاه ذهنى مهم زيك بالضبط
    السطر الاخير
    ————-
    و
    عشان فيه ناس ماتفهمش غير كده
    اتارى ان كان فيه مؤامرة على ابن السلطان لاغتياله بالسم اللى فى الحليب
    لكن الحكيم والاعرابى انقذا حياته
    فاعطى السلطان لكل منهما هدية
    اعطاه ابعادية عبارة عن محافظة من محافظات البلد ملكا له بالارض والناس اللى عليها عبيدا له

    والناس بقت مبسوطة
    وخلفوا صبيان وبنات

    وبقوا يشربوا بول الناقة بدل الحليب

اكتب تعليــقك

يجب ان تسجل الدخول لكي تتمكن من التعليق